Cun elavurer quist quadern at mettast in viedi per explorer la Svizra, tuot tenor il motto : la via es il böt. Il viedi maina in mincha chantun da la Svizra, tres 4 regiuns linguisticas, sur pass da las Alps, tar lejs e flüms scu eir in citeds e vschinaunchas. Tü nun inscuntrast be il temp d’hoz, ma at mettast eir in viedi tres il temp fin tal temp da crap.
Cu cha tü lavurast cun quist quadern es surlascho a te ed a tia classa. Tü poust elavurer post per post e schoglier las incumbenzas lotiers ubain tscherner svess ti’egna successiun. Cumainza però cul post 1, cò poust tü eruir il prüm tieu presavair.
Per incler il cuntgnieu dals posts 14 fin 26 davart l’istorgia da la Svizra fo que sen, scha tü elavurast il prüm ils posts 2 fin 13 in connex culla geografia da la Svizra. Be scha tü sest inua cha quists chantuns as rechattan, poust tü eir incler il svilup cha la Svizra ho fat fin hoz.
***
Per lavurar cun il carnet tematic vegn duvrada ina charta da scola svizra u l'access ad ina charta online.
Material supplementar (mo per persunas d'instrucziun)
Per retrair material supplementar gratuit en rumantsch u en talian As annunziai per plaschair per e-mail sut: lmv@avs.gr.ch
