Cun elaborar chel carnet tematic ta mettas te sen en viadi d’exploraziun tras la Svizra, tot tenor igl motto: «La veia è la fegnameira». Igl viadi magna ainten mintga cantun dalla Svizra, tras quatter regiuns linguisticas, sur igls pass dallas Alps, a lais e ragns scu er ainten martgeas e vischnancas. Te na vignst pero betg angal a saveir bler digl taimp dad oz, mabagn ta mettas te er sen en viadi tras igl taimp anfignen ainten igl taimp da crap. Sen las paginas 4 e 5 cattas te la carta da scuvertas. Chella at geida da tot taimp da tigneir la survista.
Te e la tia classa decidez scu tgi vusoters luvrez cun igl carnet tematic. Te post stibgier post per post e far igls pensums lotiers u tscherner la tia atgna successiun. Antscheva pero cun igl post 1. Cò post nudar igl amprem la tia presaveida.
Per tgapeir igl cuntign digls posts 14 anfignen 26 davart l’istorgia dalla Svizra, ègl ruschanevel, schi te elaboreschas igl amprem igls posts 2 anfignen 13 an connex cun la geografia dalla Svizra. Angal schi te sast, noua tgi tge cantun sa catta, tgapeschas te er igl svilup alla Svizra dad oz.
***
Material supplementar (mo per persunas d'instrucziun)
Per retrair material supplementar gratuit en rumantsch u en talian As annunziai per plaschair per e-mail sut: lmv@avs.gr.ch
