Cundiziuns generalas da vendita

Pretschs da vendita

Ils pretschs da vendita inditgads èn pretschs nets. Els èn deliberads da la taglia sin la plivalur, perquai che l’Uffizi per la scola populara ed il sport (ed uschia er la partiziun Meds d’instrucziun dal Grischun) n’è betg obligà da pajar TPV.

Pauschala da spediziun

Per empustaziuns fin a l’import da 200 francs vegn messa a quint ina pauschala da spediziun dad 8.50 francs per l’elavuraziun, l’emballadi e la spediziun. Per spediziuns per express vegn pretendì in supplement. Per spediziuns a l’ester vegnan plinavant mess a quint las expensas da transport e da pachetadi.

Reclamaziuns

Reclamaziuns vegnan mo acceptadas entaifer 10 dis suenter la retschavida da la furniziun cun indicaziun dal numer dal quint e dal client tar l’uffizi per la scola populara ed il sport.

Respediziuns

Furniziuns succedan per regla senza dretg da restituziun. Respediziuns èn mo admissiblas tenor cunvegna e cun il consentiment da la chasa editura sco er cun l’agiunta dal quint u cun l’indicaziun dal numer dal quint. Artitgels returnads ch’èn dannegiads vegnan mess a quint. Licenzas digitalas, CDs, CD-ROMs, DVDs, cassettas da video, folias e dias na pudain nus betg prender enavos.

1 da schaner 2026